Putin og Trump tosaðu um Iran og Ukraina

Russiska stjórnin segði í gjár, at Vladimir Putin, forseti, hevur tosað við amerikanska forsetan, Donald Trump, í telefon.

Reuters skrivar, at Putin skal hava sagt sína hugsan um, hvussu ósemjan um kjarnorkuætlanina hjá Iran kann loysast.

Russiski forsetin skal eisini hava mælt til fyribils vápnahvíld í Ukraina fyrst í mai, í sambandi við ársdagin fyri at seinni heimsbardagi endaði.

Seint í gjárkvøldið viðmerkti Trump samrøðuna.

- Eg tosaði um Ukraina við Putin, sigur hann, sambært tíðindastovuni Reuters.

- Vit fingu eitt sera gott prát. Eg havi kent hann leingi, legði Trump afturat.

Sambært Trump legði mælti hann í samrøðuni til eina møguliga vápnahvíld í Ukraina.