Reiðarafelagið viðger støðuna eftir miseydnaðu semingsroyndina

Reiðarafelagið fer í hesi vikuni at viðgera støðuna, eftir at semingsroyndin miseydnaðist í seinastu viku.

Tað er trupult fyri samráðingarnar, at manningarfeløgini samráðast hvør sær, heldur Stefan í Skorini, stjóri í Føroya Reiðarafelag.

Jan Højgaard

Annfinnur Garðalíð, form. í Skipara- og navigatørfelagnum

Jan Højgaard, formaður í Fiskimannafelagnum, og Annfinnur Garðalíð, formaður í Skipara- og navigatørfelagnum, hava báðir gjørt vart við tilfeingisgjaldið.

Skulu broytingar gerast í sáttmálunum, so heldur formaðurin í Reiðarafelagnum, at javnvág má vera í.

Fiskimannafelagið og Skipara- og navigatørfelagið hava sagt við Kringvarpið, at nú eru allir møguleikar opnir.

Stefan í Skorini vil ikki siga, hvørjar møguleikar Reiðarafelagið hevur í løtuni, men visir á, at felagið fer at viðgera støðuna í vikuni. 

Hoyr innslag í útvarpstíðindunum: