- Tíðindi, mentan og ítróttur
Reiðarafelagið viðger støðuna eftir miseydnaðu semingsroyndina
Reiðarafelagið viðger støðuna eftir miseydnaðu semingsroyndina
Tað ger samráðingarnar truplar, at manningarfeløgini samráðast hvør sær, sigur stjórin í Reiðarafelagnum
Stefan í Skorini er stjóri í Reiðarafelagnum.
04.05.2026 - 13:26
Reiðarafelagið fer í hesi vikuni at viðgera støðuna, eftir at semingsroyndin miseydnaðist í seinastu viku.
Tað er trupult fyri samráðingarnar, at manningarfeløgini samráðast hvør sær, heldur Stefan í Skorini, stjóri í Føroya Reiðarafelag.
Jan Højgaard.
Annfinnur Garðalíð. (Mynd: Bjarni Árting Rubeksen)
Jan Højgaard, formaður í Fiskimannafelagnum, og Annfinnur Garðalíð, formaður í Skipara- og navigatørfelagnum, hava báðir gjørt vart við tilfeingisgjaldið.
Skulu broytingar gerast í sáttmálunum, so heldur formaðurin í Reiðarafelagnum, at javnvág má vera í.
Fiskimannafelagið og Skipara- og navigatørfelagið hava sagt við Kringvarpið, at nú eru allir møguleikar opnir.
Stefan í Skorini vil ikki siga, hvørjar møguleikar Reiðarafelagið hevur í løtuni, men visir á, at felagið fer at viðgera støðuna í vikuni.
Hoyr innslag í útvarpstíðindunum:
04052026_Reidarafelagid
Er kopiera
Nýggjastu sendingar í ÚV
Nýggjastu sendingar í SV
