Samandráttur: Kyndil ein dyst frá meistaraheitinum

Leingi sá út til, at VÍF fór at taka Kyndil á bóli á Hálsi í Havn og vinna triðja dystin í FM-finalurøðini millum feløgini bæði. 

Heilt til bert tríggir minuttir vóru eftir at spæla, vóru vestmenningar frammanfyri, men tá alt skuldi avgerast, var Kyndil hvassari og vann við tveimum. 

Mikukvøldið kunnu tær grønu tryggjað sær meistaraheitið við sigri í Vestmanna í fjórðu finaluni. Vinnur VÍF hinvegin, skal alt avgerast í Havn næsta vikuskiftið.

Høllin á Hálsi (SMS-deildin, 3. FM-finalan)

Kyndil - VÍF, 29-27 (12-17)

Toppskjúttar, Kyndil: Turið Arge Samuelsen 8, Joan Johannesen 6, Bára Krossteig Hansen 4

Toppskjúttar, VÍF: Fríða Nolsøe Olsen 13, Gunnvá Bárðardóttir Nielsen 4