USA og Iran nærkast yvirlýsing um at enda kríggið

Um amerikanska heimasíðan Axios er eftirfarandi, so nærkast USA og Iran eini yvirlýsing um at enda kríggið.

Sambært Axios vænta amerikanarar svar frá Iran innan 48 tímar.

Avtalan fer at merkja, at Iran bindir seg til nakrar ásetingar, tá ið tað snýr seg um at ríka uran, og USA fer at strika revsitiltøkini og loysa milliardir í frystum peningi.

Avtalan fer eisini at hava við sær, at avmarkingarnar fyri skipaferðslu gjøgnum Hormuzsundið verða settar úr gildi, soleiðis at altjóða oljuflutningurin aftur kann koma í rættlag.

Umleið 20 prosent av heimsins oljuveitingum fara gjøgnum Hormuzsundið. 

Hetta er orsøkin til, at brennievni eru vorðin nógv dýrari kring allan heim, síðani Iran-kríggið brast á.

Oljuprísurin minkar skjótt eftir at alsamt fleiri fráboðanir koma um, at eina friðarloysn á Iran-krígnum kann vera í eygsjón, skrivar NTB.

Prísurin á norðsjóvarolju minkaði í morgun úr meira enn 108 dollarum fyri tunnuna niður í undir 103 dollarar.

Áðrenn USA og Ísrael lupu á Iran kostaði ein tunna 70 dollarar.