- Tíðindi, mentan og ítróttur
KAKUMiKS-vinnarakakan er nú til sølu
Fyri eini viku síðani varð vinnarin av KAKUMiKSi funnin, og nú hevur tú møguleikan at smakka vinnarakøkuna.
Kakan, sum liðið “Hini tú veit” vann við, er nú til sølu hjá Kondittarí Marietta og Gómagott.
Bjarti Karbech í Hjøllum og Mattias Malunarson Brøðraberg við liðnavninum Bakistjørnurnar, vóru eisini við til at døma til finaluna.
Kakan er ein heiður til listamannin Trónd Patursson og listaverkið í Eysturoyartunlinum, sum var íblásturin hjá báðum liðunum í finaluni.
Hon kostar 279 krónur og verður til sølu allan mai mánað hjá Kirstini og Olevinu. Eins og í fjør verða 10 prosent av søluni latin til Barnabata.
(Mynd: Kristina Sundstein Borgarlíð)
Tað var ein spennandi finala í KAKUMiKSi. Liðini høvdu bæði gjørt sær stóran ómak við kakunum, men tá vinnarin skuldi finnast, vóru tað systkinabørnini Nomi og Thor, sum vunnu heiðurin sum vinnarar av ársins KAKUMiKSi!
(Mynd: Kristina Sundstein Borgarlíð)
Niðanfyri sært tú fráklipp úr finaluni, sum ikki komu við í sjónvarpið. Har tosar vinnaraliðið millum annað við listamannin Livar Nysted.
Danny Baldursson úr fyrstu sesongini ringir eisini inn við góðum ráðum til Kanelsniglarnar.
Hevur tú ikki sæð finaluna, kanst tú síggja hana her:
KAKUMiKS-finalan





















