Semingsroyndin millum KAF og heilsuhjálparar heldur fram

Semingsroyndin millum Kommunala arbeiðsgevarafelagið, KAF, og Heilsuhjálparafelagið heldur fram.

- Semingin gongur spakuliga, samband er millum partnar, og Semingsstovnurin hevur í morgin fund við Heilsuhjálparafelagið, sigur Terje Sigurðsson, semingsmaður, í stuttari viðmerking.

Semingsstovnurin hevði fíggjadagin fund við Kommunala arbeiðsgevarafelagið.

Tá segði Terje Sigurðsson, at Semingsstovnurin fekk boð frá pørtunum fyri nøkrum vikum síðani. Partarnir hava síðani samráðst, uttan at Semingsstovnurin hevur verið uppií, men í síðstu viku tók Semingsstovnurin semingsroyndina uppaftur.