335 fólk arbeiðsleys í apríl

Arbeiðsloysið í apríl var 0,9 prosent, 0,2 prosentstig minni enn í apríl í fjør.

Í apríl vóru 335 fólk arbeiðsleys, 60 færri enn í apríl í fjør. 

Tey fulltíðararbeiðsleysu vóru 286, 47 færri enn í apríl í fjør,  skrivar Hagstovan. 

100 fleiri menn enn kvinnur vóru arbeiðsleysir.

Størsta arbeiðsloysið er í Suðuroynni. Tað minsta er í Vágum.

Størsta arbeiðsloysið er hjá teimum 25 til 34 ára gomlu.

Áttandi hvør hevur verið arbeiðsleysur í meira enn eitt ár.

45 fólk lagtíðararbeiðsleys

Í apríl vóru 45 fólk, 13 prosent av teimum arbeiðsleysu, langtíðararbeiðsleys. Tey hava verið arbeiðsleys í meira enn eitt ár, 365 dagar. 

Størsti arbeiðsloysisstuðulin hækkaði 11. mai, tí arbeiðarafeløgini fingu nýggjar sáttmálar.

Størsti arbeiðsloysisstuðul er 80 prosenr av lønini hjá fastløntum arbeiðarum.

Sambært nýggja sáttmálanum hækkar størsti arbeiðsloysisstuðul úr 1.064 kr. upp í 1.092 kr. um dagin.

Við hesi broyting er størsti arbeiðsloysisstuðulin vaksin 4.513 kr. sløkum 25 prosent, síðani í mars í fjør.