Skriva kanska undir nýggjan sáttmála í vikuni

Starvsfelagið og lønardeildin í Fíggjarmálaráðnum hittast aftur til samráðingar í morgin.

Súni Selfoss, formaður í Starvsfelagnum, sigur í stuttari viðmerking, at alt eftir, hvussu fundurin gongur í morgin, so eru útlit fyri, at partarnir skriva undir nýggjan sáttmála seinni í vikuni. 

Aðra viðmerking hevur hann ikki, fyrr enn avtalan er undirskrivað.

Samráðingarnar byrjaðu fyri sløkum tveimum vikum síðani.

Starvsfelagið er eitt av teimum 12 feløgunum, sum fyrr í ár gjørdu avtalu við Fíggjarmálaráðið um lønarkarm.