Jan Ottosen gevst í VÍF

HM-undankappingin í hondbólti til HM í Qatar 2015 er flutt fram til apríl, og tað er høvuðssorsøkin til, at Jan Ottosen gevst í VÍF, skrivar felagið á heimasíðuni.

Tíðin røkkur ikki til bæði, og tí varð neyðugt hjá Jan Ottosen at velja annað framum.

VÍF skrivar á heimasíðuni, at felagið skilir støðuna hjá Jan Ottosen, og stuðlar honum í avgerðini.

Tað hevur gingið væl hjá Jan Ottosen í VÍF. Hann hevur verið venjari hjá kvinnunum, og tær eru nummar eitt í landskappingini.

Henrik Gerster, sum er venjari hjá VÍF-mannsliðnum, er settur sum fyribilsvenjari hjá VÍF-kvinnunum, meðan felagið leitar eftir nýggjum venjara.