Dánjal Samuelsen verður nýggjur strandferðslustjóri

Jacob Vestergaard, landsstýrismaður, hevur sett Dánjal Samuelsen í starvið sum stjóri á Strandfaraskipum Landsins

Hann hevur starvast á Strandferðsluni í útvið seks ár sum leiðslusamskipari og samferðsluleiðari. Seinasta hálva árið, umframt í øðrum tíðarbilum, hevur Dánjal verið virkandi stjóri á stovninum.

Dánjal Samuelsen er 57 ára gamal og hevur útbúgving ívirkisbúskapi og KT frá Copenhagen Business School umframt í søgu og fólkalívsfrøði frá Fróðskaparsetrinum og lærda háskúlanum í Keypmannahavn. 

13 umsøkjarar vóru til starvið.