Íslendski forsetin á vitjan

Íslendski forsetin, Halla Tómasdóttir, og hjúnafelagi hennara, Björn Skúlason, koma til Føroya á vitjan seinni í mánaðinum.

Tað skrivar Løgmanskrivstovan á heimasíðuni.

Vitjan verður frá 22. til 24 juni, og løgmaður er vertur. 

Íslendsku forsetahjúnini skulu hitta landsstýrið, løgtingið, kommunur, almennar myndugleikar og føroyskar fyritøkur.

Halla Tómasdóttir var vald til forseta Íslands í 2024, og tók við embætinum 1. august 2024.

Hon er útbúgvin innan vinnu og leiðslu, og hevur starvast bæði í Íslandi og uttanlands.