Seta krøv til trygd á arbeiðsplássum

- Vit skulu seta okkum sum mál at hava eina nullhugsjón.

Tað sigur Margit Stóra, landsstýriskvinna í arbeiðsmarknaðarmálum, í sambandi við arbeiðsvanlukkuna í næstseinastu viku, sum kravdi mannalív.

Nú er nýggj kunngerð á gáttini, sum skal seta greiðari krøv til trygdina á føroyskum arbeiðsplássum. 

Í Føroyum eru vanlukkur við akførum og størri amboðum, so sum lastbilum, trukkum og lyftum, afturvendandi.

Í desember í fjør segði Margit Stórá, at arbeitt varð við eini nýggjari kunngerð, sum skuldi seta strangari krøv til nýtslu av stórum maskinum.

Kunngerðin er framvegis ikki komin, men arbeiðið er komið væl áleiðis, sigur Margit Stórá. 

Føroyar hava munandi fleiri arbeiðsvanlukkur enn grannalondini.

Deyðstølini í Føroyum eru næstan sjey ferðir størri enn í Íslandi og tríggjar ferðir størri enn í Danmark, Svøríki og Finnlandi.

Hoyr innslag í útvarpstíðindunum: