Ótryggleikin í Miðeystri fær ECB at hækka rentuna

Evropeiski miðbankin, ECB, hevur hækkað rentuna 0,25 prosentstig, upp í 2,25 prosent.

Hetta er fyrstu ferð síðani september 2023, at ECB hevur hækkað rentuna. Í juni í fjør var hon lækkað niður í tvey prosent.

Evropeiski miðbankin sigur, at kríggið í Miðeystri leggur trýst á inflatiónina, og tí er rentan hækkað.

Málið hjá ECB er, at inflatiónin skal vera tvey prosent, men í løtuni verður roknað við, at hon alt hetta árið verið um trý prosent. 

Kríggið í Miðeystri elvir til ótryggleika, og tí torir evropeiski miðbankin ikki at spáa um, hvussu rentugongdin verður.