Iran: Avtalan er søguligt skjal

Iranski forsetin, Masoud Pezeshkian, hevur gjørt sínar fyrstu almennu viðmerkingar um avtaluna við USA.

Tað gera hann á sínum vanga á sosiala miðlinum, X.

Har skrivar hann, at avtalan, sum hann hevur undirskrivað við Donald Trump, forseta í USA, er eitt søguligt skjal, og greitt tekin um eitt sterkt Iran.

- Friðurin verður veruleiki í skugganum av sínamillum virðing, skrivar Masoud Pezeshkian.

- Islamiska Lýðveldið Iran hevur altíð arbeitt hart fyri friði, samstundis sum landið varðveitir sína tign og óheftni. Og landið er eisini áhugað í framburði og samstarvi í økinum, skrivar iranski forsetin í uppslagnum.

Í sambandi við uppslagið hevur iranski forsetin almannakunngjørt fulla orðaljóðið í avtaluni, sum sæst við undirskriftum.