Løgmaður hitt forsætisráðharran og løgmálaráðharran

Beinir Johannesen og Mette Frederiksen tosaðu um samgonguskjølini hjá landsstýrinum og donsku stjórnini, og løgmaður og Nicolai Wammen tosaðu um rúsevnismál

Løgmaður og Mette Frederiksen, forsætisráðharri, tosaðu m.a. sjálvstøðugan føroyskan limaskap í Norðurlandaráðnum og í IOC, olympisku nevndini, og um tættari samstarv við ES.

Høgni Djurhuus

19.06.2026 - 07:59

Í gjár var fyrsti fundurin millum Føroyar og Danmark eftir valini í mars.

Beinir Johannsen, løgmaður, hitti danska forsætisráðharran, Mette Frederiksen, og danska løgmálaráðharran, Nicolai Wammen, í Keypmannahavn.

Løgmaður og forsætisráðharrin tosaðu um samgonguskjølini hjá landsstýrinum og hjá donsku stjórnini.

Tey tosaðu eisini um sjálvstøðugan føroyskan limaskap í Norðurlandaráðnum og í IOC, olympisku nevndini, og um tættari samstarv við ES, sigur Beinir Johannesen, løgmaður.

Nicolai Wammen og Beinir Johannesen

Nicolai Wammen, verjumálaráðharri, og Beinir Johannesen, løgmaður.

Fyribyrgja rúsevnum

Á fundi við danska løgmálaráðharran legði løgmaður dent á, at Føroyar og danskir ríkismyndugleikar mugu standa saman um at fyribyrgja, at rúsevni og rúsevnamisnýtsla taka meira dik á seg í Føroyum.

- Summi øki eru felagsmál, og tí var týdningarmikið hjá mær at vísa danska løgmálaráðharranum á, at báðir partar mugu raðfesta økið, sigur Beinir Johannesen.