Íslendska forsetavitjanin byrjar í dag

Íslendska forsetavitjanin byrjar í dag.

Forsetin, Halla Tómasdóttir, og maður hennara, Björn Skúlason, koma til Føroya klokkan tíggju minuttir yvir tvey.

Klokkan eitt korter til fýra er fundur millum forsetan og løgmann í Tinganesi.

Eftir tann fundin verður farið í løgtingið. 

Í morgin gongur leiðin í Eysturoynna, har forsetin fær høvi at síggja Eysturoyartunnilin, MEST á Skála, svimjihøllina í Runavík og Bakkafrost.

Men fyrst verður vitjað hjá SEV í Húsahaga.

Í morgin verður eisini farið til Klaksvíkar, har vitjað verður hjá kommununi, íslendskum-føroyskum vinnutiltaki í Varpinum, Edwardi Fuglø, listamanni, í kappróðrarneystinum og í Rótini.

Mikudagin eru Hugskotið og Fróðskaparsetrið í Sjóvinnuhúsinum á skránni.

Forsetavitjanin endar við móttøku í Norðurlandahúsinum klokkan hálvgum tólv.