Treytaleys fongsulsrevsing bleiv treytað

Tað loysti seg hjá einum manni at fara í Landsrættin við dómi, sum hann fekk í Føroya rætti fyrst í august í fjør.

Hann fekk tríggjar mánaðir treytaleysa fongsulsrevsing í Føroya rætti.

Men Eystari landsrættur gjørdi dómin nógv linari.

Maðurin fekk nú tríggjar mánaðir treytaða revsing.

Tikið annað skinn bak

Orsøkin er, at hann hevur tikið annað skinn um bak, givin at drekka millum annað.

Hann skikkar sær nú so væl, at Landsrætturin helt ikki tað vera rætt, at maðurin skal inn at sita, tí persónligu viðurskifti hansara nú eru góð.

Maðurin var 14 dagar í varðhaldi, eftir at hann var tikin 24. juli í fjør.

Hann var ákærdur fyri harðskap og hóttanir móti politisti. Maðurin noktaði seg sekan.