- Tíðindi, mentan og ítróttur
10 línuskip seld og keypt aftur í 14 dagar
<div>Hesar seinastu tvær vikurnar eru tíggju línuskip seld, og tey flestu eru keypt aftur fyri sama prís.</div><div><br></div><div>Keypararnir høvdu tó ongan áhuga fyri skipunum, men bara fyri makrelloyvinum hjá teimum. Fyri at fáa makrelin var tó neyðugt at keypa skipið eisini.</div><div><br></div><div>Tey 21 línuskipini í Felagnum Línuskip hava eina felagskvotu, sum er 5.000 tons. Hvørt skipið kundi fiska tíggju prosent av felagskvotuni, til hon var uppi. Men reiðararnir í Línuskipum gjørdu eina avtalu um at býta tey 5.000 tonsini millum tíggju skip, 500 tons í part.</div><div><br></div><div>Síðani keyptu partafeløgini Næraberg og JFK Trol í Klaksvík og smápartafelagið Framherji í Fuglafirði tey tíggju línuskipini, og fingu samstundis veiðuloyvi og fiskiloyvi hjá teimum. </div><div><br></div><div><b>Onnur skip fiska</b></div><div><br></div><div>Slættaberg, Næraberg og Høgaberg fiska so makrelin hjá línuskipunum. Tá makrelurin er fiskaður, verða línuskipini seld gomlu eigarunum aftur, tó uttan makrelloyvi, tí makrelurin er fiskaður. </div><div><br></div><div>Línuskipini, sum eru við í hesum leiki, eru Stapin, Jákup B, Helena, Polarstjørnan, Kvikk, Váðasteinur, Kambur, Klakkur, Sandshavið og Vesturhavið.</div><div><br></div><div>Tað, sum hesi tíggju skipini fáa fyri makrelin, verður býtt javnt millum øll 21 skipini, sum eru í felagnum Línuskip. Og inntøkan verður býtt millum manning og reiðara, manningin fær 43 prosent og reiðarin 57 prosent.</div><div><br></div>
