- Tíðindi, mentan og ítróttur
Fiskidagar í býti við rættindi í fremmandum sjógvi
<p>Javnaðarflokkurin heldur, at skip, sum fiska undir Føroyum, skulu eisini fáa møguleika at fiska í fremmandum sjógvi.</p><div><br></div><div>Javnaðarflokkurin fer skjóta upp fyri tinginum, at landsstýrismaðurin í fiskivinnumálum skal fáa heimild at býta fiskidagar á landgrunninum um við onnur fiskirættindi á okkara leiðum ella í fremmandum sjógvi. T.d. kundi hugsast, at landsstýrismaðurin tryggjaði línuflotanum fiskirættindi í Barentshavinum, á Flemish Cape ella fleiri rættindi undir Íslandi í býti við fiskidagar undir Føroyum. </div><div><br></div><div>Útróðrarflotin kundi fingið ikki umsetiligar kvotur av makreli í býti við fiskidagar, sigur Javnaðarflokkurin.</div><div><br></div><div>Flokkurin heldur, at ein slík skipan lættir trýstir á botnfiskastovnarnar, og samstundis eigur at verða kravt, at Havstovan og Fiskidaganevndin í felag koma við tilmæli um, hvussu nógvir dagar skulu vera í fiskidagaskipanini, tá stovnarnir aftur hava fingið eina meiri nátúrliga stødd. </div><div><br></div><div><br></div>
