Klaksvíkar kommuna tekur 20 milliónir í rakstrarkreditti

Klaksvíkar býráð hevur einmælt samtykt at taka 20 mió. kr. í rakstrarkreditti.

Umsitingin hjá Klaksvíkar kommunu mælti býráðnum til at útvega sær rakstrarkredittin, tí gjaldførið er tepurt.

Karl Johansen, borgarstjóri, sigur, at tey bara vilja binda um heilan fingur við eini heimild til at stovna kassakreditt, so trygd er fyri, at peningur altíð er tøkur. 

Í tilmælinium vísir umsitingin á, at býráðið í næstum skal taka støðu til fleiri eykajáttanir.

Vera hesar eykajáttanir samtyktar, verður neyðugt at útvega meira gjaldføri, sigur umsitingin.