LÍV: Globe Tracker var steinur oman á byrðu í vánaligu gongdini

Globe Tracker var steinur oman á byrðu í eini sum heild vánaligari gongd við ov lítlum avkasti. 

Tí mátti stjórin frá, sigur Árni Ellefsen, sum sjálvur sat í nevndini í Globe Tracker, áðrenn hann bleiv nevndarformaður í Tryggingarfelagnum LÍV.

Hann viðgongur, at íløgurnar hjá tryggingarfelagnum í Globe Tracker eru gjørdar við vælsignilsi frá nevndini.

21 fakfeløg eiga gjøgnum P/F Fakfelag helvtina í LÍV, og tryggingartakararnir sjálvir eiga hina helvtina gjøgnum Ognarfelagið LÍV.

Árni Ellefsen

Onki umboð fyri eigararnar vildi gera almennar viðmerkingar eftir fundin við nevndina í gjár, men søgdu seg tó vera nøgdar við kunningina.

Nú verður farið undir tilgongdina at finna nýggjan stjóra, men tað kann taka sína tíð, tí stjórar í feløgum sum LÍV, ið umsita stórar ognir hjá fólki, skulu liva upp til strong krøv um at vera tað, sum á enskum rópast "fit and proper". 

Ein nýggjur stjóri skal tí eisini góðkennast av Tryggingareftirlitinum.

Hoyr innslag í útvarpstíðindunum: