- Tíðindi, mentan og ítróttur
Lægri avgjøld geva bíligari ferðaseðlar
<p>Vága Floghavn er farin at lata flogfeløgum, sum menna nýggir leiðir millum Vágar og umheimin, avslátt í avgjøldunum.</p><div><br></div><div>Eitt nú fær Atlantsflog avsláttur í avgjøldunum á ferðaseðlum, sum verða seldir á rutuni millum Føroyar og Barcelona. Atlantsflog slapp eisini helvtina bíligari í avgjøldum til flogvøllin í sambandi við eitt átak um bíligari ferðaseðlar, frá síðst í oktober til fyrst í desember.</div><div><br></div><div>Endamálið er at stimbra eftirspurningin eftir ferðaseðlum, tá fólk ikki vanliga ferðast.</div><div><br></div><div>Jákup Sverri Kass, stjóri í Vága Floghavn, sigur, at lægri ferðaseðlaprísir økja áhugan hjá bæði føroyingum at fara út í heim og útlendingum at koma til Føroya. </div><div><br></div><div>Higartil í ár eru ferðaseðlarnir millum Føroyar og útheimin lækkaðir, og tað hevur týdning fyri vøksturin í ferðafólkatalinum, sigur hann</div><div><br></div><div><b>Ferðafólkatalið setur met</b></div><div><br></div><div>Ongantíð hava so nógv ferðast um flogvøllin í Vágum síðani juli í ár. Flogvøllurin avgreiddi 33.169 fólk við flogfari og tyrlu, og tað eru 3.780, ella nærum 13 prosent, fleiri enn sama mánað í fjør.</div><div><br></div><div>Higartil í ár eru 8.258 fleiri ferðafólk komin og farin um flogvøllin samanborið við somu tíð í fjør. Vøksturin er sløk sjey prosent. </div>
