Suðuroyartunnilin fingið 100 milliónir aftrat

Suðuroyartunnilin hevur nú fingið tær 100 milliónirnar krónurnar , sum landið setur í partapeningi í felagið í ár.

Partapeningurin er nu 204 milliónir.

Tí landið setti eisini 100 milliónir í felagið í fjør.

Tær fyrstu fýra milliónirnar fóru til at stovna partafelagið.

Løgtingið hevur samtykt at seta 100 milliónir krónur um árið í 10 ár í partafelagið Suðuroyartunnilin.

Er politisk undirtøka fyri at byggja Suðuroyartunnilin, eftir at arbeiðið er boðið út og prísurin er kendur, er ætlanin at leggja fram lógaruppskot, sum heimilar tunnilsfelagnum at byggja og reka Suðuroyartunnilin.