G! 2026: "Um nakað skal henda í einari bygd, so mugu øll hjálpa til"

Hvørt ár, síðani G! festivalurin bleiv settur á stovn í 2002, hevur Svend Olsen hjálpt til við at fyriskipa festivalin. 

Í ár er einki undantak. 

Hetta hevur Svend Olsen gjørt, hóast tónleikurin ikki sigur honum tað allarminsta. 

"Um nakað skal henda í einari lítlari bygd, so mugu øll hjálpa til," staðfestir Svend Olsen, ið ger alt tað, sum onnur ikki tíma at gera. 

"Nú er tað Víkingur, ið hevur til uppgávu at seta festivaløkið upp og taka tað niðuraftur, so tað er eitt sindur ymiskt, hvør arbeiðsgevarin er," sigur Svend.