Suðurkorea vil styrkja handilssambondini við Føroyar

- Vitjanin hjá suðurkoreanska sendimanninum, Dong Yeol Rhee, í Føroyum í gjár er eitt greitt tekin um, at bæði Føroyar og Suðurkorea vilja styrkja handilssambondini sínámillum.

Tað sigur Bárður á Steig Nielsen, landsstýrismaður í uttanríkis- og fiskivinnumálum.

Landsstýrismaðurin vísir á, at skjóta gongdin í samskiftinum – frá føroyskari vinnuferð til Suðurkorea í juni til fleiri vitjanir frá suðurkoreanskari síðu – bendir á ein sterkan vilja hjá báðum pørtum at menna samstarvið.

Suðurkorea hevur serligan áhuga í at keypa føroyskar fiskavørur, meðan føroyska málið í fyrstu syftu er at fáa tollfrælsi fyri útvaldar fiskavørur. Upp á sikt er ætlanin at arbeiða fram ímóti einari fríhandilsavtalu millum londini, sigur landsstýrismaðurin.

Hoyr innslag í útvarpstíðindunum á nátturða her: