Biskupur: Hendan skipanin á Argjum er skilagóð

Tá nýggja kirkjan á Argjum verður bygd, fær Stýrið fyri Kirkju- og missiónshúsið á Argjum, sambært einari tinglýstari samstarvsavtalu, ókeypis og tíðaróavmarkaðan nýtslurætt til kirkjuna.

Jógvan Fríðriksson, biskupur, sigur, at Heimamissiónin er ein sjálvstøðug vekingarrørsla, men samstundis ein partur av fólkakirkjuni.

- Hendan skipanin á Argjum er bæði víðskygd, skilagóð og burðardygd, sigur Jógvan Fríðriksson, biskupur.

Hann vísir á, at kirkjuráð hava stóra ábyrgd fyri kirkjunum á staðnum, og at tey - innan galdandi reglur - kunnu gera avtalur um nýtslu av kirkjuni.

Samstundis sigur biskupurin, at kirkjur fyrst og fremst eru vígdar til kirkjuligt virksemi, og at tað eru ávís mørk fyri, hvat tær kunnu brúkast til.

Hoyr innslag í útvarpstíðindunum á nátturða her: