Kommunulæknar taka undir við møguleikaváttanum

- Jú longur fólk eru heilt burtur frá arbeiðsmarknaðinum, jú verri er tað at koma aftur, sigur Turið H. Johannessen, forkvinna í Kommunulæknafelagnum.

Kommunulæknafelag Føroya tekur væl ímóti ætlanunum hjá samgonguni um at broyta sjúkradagpeningaskipanina.

Ætlanin er at fara frá vanligum sjúkraváttanum til sonevndar møguleikaváttanir. Í staðin fyri bara at staðfesta, hvat eitt sjúkt starvsfólk ikki kann gera, skal váttanin leggja dent á, hvørjar arbeiðsuppgávur viðkomandi framvegis er førur fyri at røkja.

Enn er lítið ítøkiligt komið frá landsstýrinum um, hvussu nýggja skipanin skal síggja út. Men Turið H. Johannessen vísir á, at Danmark hevur eina líknandi skipan, sum eftir hennara tykki kann brúkast sum fyrimynd í Føroyum.

Eisini Vinnuhúsið hevur boðað frá, at tað tekur undir við ætlanini.

Hoyr innslag í tíðindunum á nátturða: