Fólk býr nú aftur í Múla

Fyri fyrstu ferð í meira enn 12 ár eru fólk skrásett at búgva í Múla.

Tað upplýsir Hagstovan við Landsfólkayvirlitinum sum keldu.

Hagstovan skrivar, at tvey fólk fluttu til Múla í juni. 

Hagstovan hevur gjørt upp fólkatalið í Føroyum, pr 1.juli. Tá búðu 55.505 fólk í Føroyum. Tað eru 643 fólk fleiri enn 1.juli í fjør.

Múli

370 fólk fleiri í Tórshavnar kommunu

Størsti fólkavøksturin er í Tórshavnar Kommunu, har góð 40 prosent av fólkinum býr. Har eru tey 370  fólk fleiri 1.juli í ár enn 1.juli í fjør.

Fólkatalið vaks eisini nógv í Runavíkar, Sjóvar, Klaksvíkar, Nes og Eysturkommunu.

Størsta fólkaminkingin er í Tvøroyrar kommunu. Har vóru tey 35 fólk færri 1.juli í ár enn somu tíð í fjør.