Løgtingið samtykt fleiri fiskidagar til bólk 5B

Útróðrarbátarnir í bólki 5B fáa 750 dagar aftrat í hesum fiskiárinum.

Løgtingið hevur fyri løtu síðani samtykt uppskotið hjá Bárði á Steig Nielsen, landsstýrismanni í fiskivinnumálum.

Fyrst var atkvøtt um uppskot um at beina málið aftur í vinnunevndina, men tað fall. Sjey atkvøður vóru fyri og 22 ímóti.

Tá atkvøtt var um lógaruppskotið, vóru 22 atkvøður fyri og sjey ímóti.

Stórur meiriluti var í vinnunevndini fyri uppskotinum.

Málið um at lata bólki 5 fleiri fiskidagar skal hava eina viðgerð aftrat í tinginum.