Sleppa á onnur mið við frystum fiski

Nú sleppa bátar, sum frysta fiskin, teir fáa á Føroya banka, at fara aðrastaðni at royna uttan at avreiða frysta fiskin fyrst.

Sambært galdandi kunngerð kunnu fiskifør, sum frysta fiskin, tey fáa á Føroya banka, ikki royna aðrastaðni, fyrr enn frysti fiskurin er avreiddur.

Nú er uppskot gjørt um at strika hetta kravið.

Tað er til hoyringar.

Nýggj áseting er um, at fiskur, sum er fingin á Bankanum og frystur, skal stúgvast fyri seg.

Allur pakningur við frystum fiski av Bankanum skal merkjast við navni á fiskifari, fiskileið, fiskaslagi og veiðidagfesting.