Vilja hava nøkur element av lívi í fosturtøkulógina

Nýggja fosturtøkulógin, sum loyvir kvinnuni fría fosturtøku, smakkar ikki formanninum í Miðflokkinum væl.

Kortini ásannar Steffan Klein Poulsen, at tað neyvan ber til at rulla lógina aftur.

Tí hevur flokkurin arbeitt við at gera tillagingar til verandi fosturtøkulóg, sum bleiv samtykt í desember í fjør.

 - Yvirskipað kann eg siga, at vit ynskja at fáa nøkur elementir av lív inn í lógina, sigur Steffan Klein Poulsen, formaður í Miðflokkinum.

Trý høvuðspunkt

Uppskotið um at broyta fosturtøkulógina er ikki liðugt enn; men trý høvuðspunktir eru klár.

• Kravd ráðgeving til kvinnunam, sum ynskir fosturtøku
• Umhugsunartíð til kvinnuna, sum ynskir fosturtøku
• Innsavna upplýsingar frá kvinnuni, sum ynskir fosturtøku, at brúka sum hagtøl

Hoyr alla samrøðuna við Steffan Klein Poulsen.