- Tíðindi, mentan og ítróttur
Nú fiska makrelskipini reint
<p>Nú er nærum eingin sild uppi í makrelveiðini.</p><div><br></div><div>Tað sigur John Michelsen, skipari á Tróndi í Gøtu, sum um vikuskiftið landaði til nýggja uppsjóvarvirkið á Tvøroyri, Varðin Pelagic.</div><div><br></div><div>Hann sigur, at skipini fiska at kalla reint, sum tikið verður til, tí bert eitt ella tvey prosent av veiðini er sild. Onkran túr hava millum 20 og 30 prosent av veiðini verið sild. Støddin á makrelinum liggur um 400 gramm.</div><div><br></div><div>Henda túrin landaði Tróndur í Gøtu millum 1300 og 1400 tons av makreli. Tað tók umleið trý samdøgur at landa lastina.</div><div><br></div><div>Tá skipini fiskaðu makrel í norsku sjógvi, royndu tey við nót, tí hann gekk í stíorum torvum, men í føroyskum sjógvi stendur makrelurin meiri spjaddur, og tí verður roynt við troli.</div><div><br></div><div><br></div><div><br></div>
