116.000 vóru á Býarbókasavninum í fjør

Ongantíð áður hava so nógv fólk verið á Býarbókasavninum í Havn sum í fjør. 

116.000 fólk vóru á savninum í fjør, 12 prosent fleiri enn í 2012, sum annars var metárið. Men fólk fara ikki bara á bókasavnið at læna bøkur, tí samstundis sum 12 prosent fleiri fólk vóru á savninum í fjør minkaði útlánið tað sama, 12 prosent.

Nógv almenn tiltøk vóru á Býarbókasavninum í fjør. 

Fólk læna nú færri bøkur á donskum, men fleiri føroyskar og enskar bøkur. Og útlánið hjá skúlabókasøvnunum vaks í fjør.