Íslendingar rýma úr fólkakirkjuni

Alt fleiri íslendingar melda seg úr fólkakirkjuni.

1.037 fólk meldaðu seg úr íslendsku kirkjuni frá 1. oktober til 31. desember í fjør. Sama tíðarskeið meldaðu 100 fólk seg inn í kirkjuna, og sostatt eru samanlagt 936 fólk fleiri farin úr kirkjuni, enn hava teknað seg sum lim í kirkjuni. 

Av teimum, sum fóru úr fólkakirkjuni,  fóru 242 upp í  fríkirkjur, vísa tøl hjá íslendsku Hagstovuni, sum hevur savnað saman nýggj tøl um limaskap í átrúnaðarligum felagsskapum.

Tølini vísa eisini, at 346 fólk fleiri fóru úr átrúnaðarligum felagsskapum, enn tað løgdust til.