Tepur meiriluti samtykti at flyta eldradepilin í Kollafirði

Bergur Robert Dam Jensen í meirilutanum í býráðnum átti uppskotið, og tað var samtykt við atkvøðunum hjá Heðini Mortensen í meirilutanum og býráðslimunum í minnilutanum

Bergur Robert Dam Jensen, býráðslimur í meirilutanum í Tórshavnar býráð, átti uppskotið um at flyta ætlaða eldradepilin i Kollafirði, og tað var samtykt við teprum meiriuta.

Mynd: Bjarni Árting Rubeksen

Jón Brian Hvidtfeldt

18.09.2026 - 12:43

Eldradepilin, sum Tórshavnar kommuna ætlar at byggja í Kollafirði, bleiv seint í gjárkvøldið knappliga fluttur.

Ein tepur meiriluti - uttan um borgarstjóran - samtykti uppskot frá einum býráðslimi um at broyta staðsetingina.

Bergur Robert Dam Jensen, býráðslimur fyri Javnaðarflokkin, sum er í meirilutanum, átti uppskotið.

Í nógv ár hevur verið tosað um at byggja ein eldradepil í Kollafirði. Hann skal byggjast á Todnesi.

Arbeiðið er tó ikki komið í gongd, og nú hevur Bergur Robert Dam Jensen, sum er kollfirðingur, mist tolið.

Elsa Berg

Elsa Berg, borgarstjóri. Orðaskiftið í býráðnum í gjárkvøldið vísti, at samgongustevið á Vaglinum er ikki gott.

Fór móti sínum egnu

Á býráðsfundinum í gjárkvøldið fór hann ímóti sínum egnu - hann vildi flyta staðsetingina - frá Todnesi til Norðeki - og býráðslimurin segði seg hava staðbundnu nevndina fyri Kollafjørð aftan fyri seg:

Men býráðsmeirilutin - sum Bergur Robert Dam Jensen also er partur av - vildi als ikki kennast við uppskotið, og vildi heldur ikki taka undir við tí.

Tá avtornaði var uppskotið um at flyta eldradepilin samtykt. Umframt Berg Robert Dam Jensen atkvøddi Heðin Mortensen í meirilutanum og býráðslimirnir í minnilutanum fyri, og tað var samtykt.

Orðaskiftið um málið vísti, at samgongustevið á Vaglinum er ikki gott, og borgarstjórin, Elsa Berg, tosaði eisini við stórum bókstavum.

Hoyr innslag í útvarpstíðindunum:

18092026_Eldradepil_i_Kollafirdi