- Tíðindi, mentan og ítróttur
Óbrúktir fiskidagar eiga at verða latnir øðrum
<div>Skip, sum fiska, eiga at kunna fáa fiskidagarnar hjá teimum, sum ikki fiska.</div><div><br></div><div>Tjóðveldi og Framsókn hava lagt fram lógaruppskot um, at landsstýrismaðurin í fiskivinnumálum kann taka aftur óbrúktar fiskidagar og lata ella selja øðrum teir. Dagarnir kunnu eisini verða brúktir til at minka veiðitrýstið.</div><div><br></div><div>Hvørt fiskiár leypa nógvir fiskidagar av. </div><div><br></div><div>Tjóðveldi og Framsókn vilja tí hava, at í hvørjum bólki eiga skip ella bátar, sum brúka allar sínar dagar, at sleppa fram at døgunum hjá teimum, sum ikki brúka teir, tá tríggir mánaðir eru eftir av fiskiárinum.</div><div><br></div><div>Ein framskriving 1.juni skal staðfesta, hvussu nógvar fiskidagar, hvørt fiskifar hevur eftir, tá fiskiárið endar 31.august. </div><div><br></div><div>Dagarnir kunnu seljast á uppboðssølu, og pengarnir fara í landskassan. Fiskimálaráðið kann eisini lata dagarnar liggja fyri at stilla veiðitrýstið. </div><div><br></div><div> </div><div><br></div>
