Hesuferð er kappingin millum tveir bátar, ið hava fingið nýggjar eigarar í ár. Línubátin Dalsenni, sum júst í heyst hevur fingið nýggjar ungar eigarar, og sum er um at vera klárir til fyrsta túrin. Heimstaðurin er Haraldssund, og talsmaður umborð á Dalsenni er 24 ára gamli skiparin, Johannes Nybo. Og hin báturin verður 84 ára gamli útróðrarbáturin Vónarljós við heimstaði í Klaksvík, og sum samstundis er elsta fiskifarið í flotanum, og har verður tað skiparin, Heri Vang, ið verður talsmaður, og hann keypti annars bátin við ársbyrjan.