Varafólk taka sæti á tingi

Tvey varafólk hava tikið sæti á tingi í dag.

Ruth Vang í Framsókn er farin í farloyvi, og Beinta Løwe, sum er næst á listanum, hevur tikið sæti fyri hana.

Beinta Løwe fekk 245 atkvøður á seinasta løgtingsvali.

Ruth Vang boðar frá, tá hon aftur tekur sæti á tingi.

Helgi Abrahamsen í Sambandsflokkinum er á ST-aðalfundi í New York í hesum døgum, og næstimaður á Sambandslistanum, Haraldur Símunarson Hammer, hevur tikið sæti á tingi fyri hann.

Haraldur Símunarson Hammer fekk 198 atkvøður á løgtingsvalinum 26. mars.

Haraldur Símunarson Hammer og Helgi Abrahamsen