Heilbrigdi er góðkent sum viðgerðarstovnur

Heilsutrygd hevur góðkent Heilbrigdi sum rúsviðgerðarstovn.

Góðkenningin er galdandi í fimm ár.

Heilbrigdi fekk upprunaliga fyribils góðkenning beint fyri jól í 2021, tá Heilbrigdi, sum tá var á Velbastað, skuldi fáa hølisviðurskiftini í rættlag.  

Hon er síðani endurnýggjað nakrar ferðir.

Heilsutrygd sigur, at hølini hjá Heilbrigdi eru nú fult út virðilig og hóskandi til rúsvidgerð.

Skulu gróðurseta trø

Heilsutrygd sigur, at trø skulu gróðursetast, so fólk, sum ganga framvið, ikki síggia so væl inn. 

Heilbrigdi hevur tosað við garðyrkisfólk um tað.

Harumframt eru atkomuviðurskiftini avmarkað, sigur Heilsutrygd.

Heilbrigdi hevur tosað við Tórshavnar kommunu um møguliga loysn um fleiri bilpláss.