Zelenskyj í Oslo - gera enn eina friðarroynd

Ukrainski forsetin, Volodymyr Zelenskyj, er í dag í norska høvuðsstaðnum, har nýggjar samráðingar um kríggið í Ukraina eru á skránni.

Við á fundinum eru millum annað norski forsætisráðharrin, Jonas Gahr Støre, finski forsetin, Alexander Stubb, og serligi amerikanski sendimaðurin, Steve Witkoff.

Jared Kushner, sum eisini er sendimaður hjá Donald Trump,  er við á netinum. 

Sambært norsku stjórnini hevur Ukraina sjálvt biðið um, at amerikansku sendimenninir verða við. Endamálið er at fáa samráðingarnar um frið í Ukraina aftur á eina meira konstruktiva leið.

Viðurskiftini versnað

Fundurin verður hildin, eftir at sambandið millum Washington og Kyiv er versnað seinastu tíðina.

Donald Trump hevur funnist at Zelenskyj og sagt, at Ukraina ger ikki nóg mikið fyri at fáa enda á krígnum.

Samstundis hevur Zelenskyj skuldsett USA fyri at seinka veitingum av loftverjurakettum, og fyri ikki at hava ávarað Ukraina í góðari tíð undan russiskum rakettálopum.

Zelensky í Oslo

Til Russlands

Sambært Reuters ætlar Steve Witkoff eisini at fara til Russlands at hitta Vladimir Putin og umrøða møguleikarnar fyri einari friðaravtalu.

Russiska stjórnin hevur í dag sagt, at hon vónar, at ein slíkur fundur kann fáast í lag í næstum.

Enn er ógreitt, um samráðingarnar í Oslo fara at hava til nøkur ítøkilig framstig við sær, skrivar Reuters.