Viðgerðardóm fyri at hava havt samlegu við barn

Ein maður hevur í Føroya rætti fingið viðgerðardóm fyri at bróta greinina í revsilógini, sum er um samlegu við barn, sum er yngri enn 15 ár.

Hann er dømdur fyri fimm brot á revsilógargreinina.

Tað var í 2024, tá hann royndi at hava samlegu, ella hevði samlegu við tvær gentur, sum tá vóru 13 ár.

Maðurin var tá 19 ár. Hann játtaði seg sekan. 

Hann fekk viðgerðardóm, tí mentalkanningin segði, at hann var ikki egnaður at fáa fongsulsrevsing.

Um fimm ár skal støða takast til, um dómurin skal leingjast.