- Tíðindi, mentan og ítróttur
Bæði vaktarskipini verða nú tøk aftur
Bæði vaktarskipini verða nú tøk aftur
Tjaldrið fer væntandi í sigling seint í næstu viku, og Brimil verður liðugur um hálva aðru viku
Tjaldrið og Brimil verða nú aftur tøk at røkja vaktar- og bjargingaruppgávur.
05.11.2026 - 13:47
Tey bæði vaktarskipini, Brimil og Tjaldrið, fara nú aftur í sigling eftir størri viðlíkahalds- og umvælingararbeiði.
Seint í næstu viku verður Tjaldrið væntandi klárt at fara aftur í sigling, upplýsir Jóhan Simonsen, fyrbilsstjóri í Vørn.
Brimil verður tøkur aftur um hálva aðru viku.
Tíðliga í august fór Brimil til umfatandi viðlíkahalds- og umvælingararbeiði, sum eftir ætlan skuldi vera liðugt hálvan oktober.
Tjaldrið hevur staðið á sleipistøð í Havn seinastu tíðina.
Tjaldrið fekk maskinbrek
Síðani 20. august hevur einki vaktar- og bjargingarskip verið tøkt, tí Tjaldrið fekk maskinbrek, samstundis sum Brimil var í dokk.
Roknað var við, at tað fór at taka longur tíð at fáa eykalutir til Tjaldrið, sum fekk maskinbrek seint í august.
Men arbeiðið at umvæla Tjaldrið hevur gingið betur enn væntað, sigur virkandi stjórin í Vørn.
Er kopiera
Nýggjastu sendingar í ÚV
Nýggjastu sendingar í SV
