- Tíðindi, mentan og ítróttur
Løgmaður verður spurdur um ríkisfelagsskapin
<div>Tey vóru ikki sein í Fólkaflokkinum at lofta orðunum hjá løgmanni í ólavsøkurøðuni um, at Føroyar skulu verða eitt sjálvstøðugt land í einum nýggjum Ríkjafelagsskapi.</div><div><br></div><div>Ein av tingmonnum Fólkafloksins, Bjarni Djurholm, setti seg alt fyri eitt at skriva ein fyrispurning til løgmann.</div><div><br></div><div><b>Ætlar løgmaður at taka upp samráðingar?</b></div><div>Bjarni Djurholm vil fegin vita um løgmaður ætlar at samráðast við danska forsætismálaráðharran um eina endurskoðaða avtalu millum Føroyar og Danmark.</div><div>Løgmaður verður eisini spurdur, um hann sær týdningin í, at viðurskiftini millum og Føroyar og Danmark koma í slíka legu, har stjórnarrættarligar tulkingar ikki eru ein forðan, men heldur møguleiki fyri sjálvsavgerðarrættin hjá føroyingum. </div><div><br></div><div>Heldur løgmaður, at áhaldandi ríkisrættarligu broytingarnar farnu hálvu øldina millum Føroyar og Danmark eru grundarlag undir at nýtulka viðurskiftini millum ríkispartarnar, spyr Bjarni Djurholm.</div><div><br></div><div>Og fólkaflokstingmaðurin vil eisini hava at vita, hvønn týdning løgmaður sær í nýggjum og broyttum ríkisrættarligum viðurskiftum, tá talan er um føroyskan limaskap í millumtjóða felagsskapum.</div>
