- Tíðindi, mentan og ítróttur
Arbeiðið at gera Eysturoyartunnilin byrjar skjótt
<div>Løgmaður gjørdi í ólavsøkurøðuni greitt, at landsstýrið vil fremja Eysturoyartunnilin. Ætlanin er at bjóða út einkarættin at gera og reka tunnilin, segði hann.</div><div>Tilsamans 12 miljónir eru settar av til Skálafjarðartunnilin í 2013 og 2014. </div><div><br></div><div>Landsstýrismaðurin í innlendismálum ætlar at biðja løgtingið flyta part av játtanini fyri 2013 fram til í ár, so arbeiðið at fyrireika tunnilin kann byrja beinanvegin. </div><div><br></div><div><b>Til fyrireikingartilfar</b></div><div>Tær 12 miljónirnar, ið standa á langtíðarætlanini, eru ætlaðar at útvega alt tað tilfarið, ið skal vera klárt, áðrenn tunnilin kann bjóðast út.</div><div>Samgongan er samd um, at tunnilin skal gerast av privatum. </div><div><br></div><div>Privata felagið, ið tók stig til tunnilsætlanina, megnaði ikki at útvega fígging og noyddist tí at sleppa ætlanini. </div><div><br></div><div>Síðani hevur verið arbeitt við eini ætlan um at lata eitt alment partafelag gera fyrst Skálafjarðartunnilin og síðani Sandoyartunnilin. Men hesari ætlan er ikki undirtøka fyri í samgonguni, sum í staðin vil hava, at eitt privat felag byggir og rekur Skálafjarðartunnilin. </div><div><br></div><div><b>Drúgt fyrireikingararbeiði</b></div><div>Felagið, ið upprunaliga ætlaði at gera tunnilin, hevur gjørt eitt umfatandi fyrireikingararbeiði, ið millum annað fevnir um royndarboringar og ferðsluteljingar. Landsstýrismaðurin í innlendismálum fer at kanna, um tað ber til at keypa tilfarið frá felagnum fyri rímiligan kostnað. Um tað ikki ber til, má arbeiðið gerast av nýggjum. </div><div><br></div><div>-Skálafjarðartunnilin er einasta verkætlan, ið vit vita um, ið kann geva yvirskot. Tí vilja vit royna at fáa hann í gongd sum skjótast, sigur Kári P. Højgaard, landsstýrismaður í innlendismálum. </div><div><br></div><div>Hann ivast ikki í, at privatur áhugi er fyri at gera tunnilin. </div><div><br></div><div>- Allar kanningar hava víst, at hann hvílir væl og virðiliga í sær sjálvum. Hevði heimskreppan ikki spent bein fyri fíggingini, hevði arbeiðið langt síðani verið byrjað, sigur Kári P. Højgaard. </div><div><br></div><div><b>Ein milliard krónur</b></div><div>Skálafjarðartunnilin er mettur at kosta eina miljard krónur. </div><div><br></div><div>Landsstýrismaðurin væntar, at tað verður lættari hjá einum privatum felag at útvega neyðugu fíggingina, tá tað almenna er við í fyrireikingini.</div><div>Tær 12 miljónirnar, ið eru settar av til tunnilin, skulu koma aftur í landskassan, tá Skálafjarðartunnilin er vorðin veruleiki. </div><div><br></div>
