- Tíðindi, mentan og ítróttur
Atlantic Petroleum má avskriva 14 milliónir krónur
<div>Atlantic Petroleum noyðist at avskriva 14 mió. kr., nú felagið noyðist at lata eitt loyvi í bretskum øki í Norðsjónum innaftur, tí loyvistíðin er farin.</div><div><br></div><div>Felagið hevur brúkt 14 milliónir upp á loyvið. Tær 14 milliónirnar verða nú avskrivaðar.</div><div><br></div><div><b>Fund í Marten-brunninum</b></div><div>Olja varð funnin í Marten brunninum, tá loyvið varð brúkt til at leita. Men talan var um so lítla nøgd, at ikki loysir seg at fara eftir oljuni, sigur Ben Arabo, stjóri í Atlantic Petroleum. </div><div><br></div><div>Tað fer ikki ávirka vónirnar um úrslitið í ár, at Atlantic Petroleum noyðist at avskriva 14 milliónir, sigur felagið í fráboðan til keypsskálarnar. </div><div><br></div><div>Atlantic Petroleum átti 17,5 prosent í loyvinum, sum nú er latið innaftur.</div><div><br></div><div>Atlantic Petroleum eigur lut í 34 øðrum loyvum og er við, nú leitað verður eftir olju við Føroyar.</div>
