Vangamyndin: Lisbeth L. Petersen

Mánadagin leyp hon hvøkk á Føroya fólk, tá hon í útvarpstíðindunum kl. 10 boðaði frá, at hon hevur meldað seg úr Sambandsflokkinum. Hon er ónøgd við høgrasnaringina í Sambandsflokkinum, sum abbi hennara, Andreas Sameulsen, stovnaði fyri meiri enn hundrað árum síðani.

Men hetta er ikki fyrstu ferð, at hon ger vart við seg á politiska pallinum. Hon er fyrsta kvinnan, ið var vald í býráðið í Havn fyri Sambandsflokkin. Hon er fyrsta kvinnan - og higartil einasta kvinnan - sum hevur verið borgarstjóri í Havn. Hon er fyrsta føroyska kvinnan á Fólkatingi, og hon er fyrsta - og einasta - kvinna, sum hevur verið forkvinna í Sambandsflokkinum.

Liljan Weihe tosar við Lisbeth L. Petersen um familju og politikk. Tað er í vangamyndini í Degi og Viku í kvøld kl. 19.