- Tíðindi, mentan og ítróttur
Vil leggja saman stovnar í Havn
<div>Longu nú er greitt, at brúkaraumboðsstovnurin flytir úr Vági til Havnar. Rannvá Ragnarsdóttir, ið tekur við sum nýtt brúkaraumboð 1. september, skal húsast saman við Kappingareftirlitinum og Fjarskiftiseftirlitinum á Skálatrøð í Havn.</div><div><br></div><div>Landsstýrismaðurin í vinnumálum, Jóhan Dahl, ætlar, at stovnarnir í fyrstu atløgu skulu arbeiða tætt saman.</div><div> </div><div>Tá brúkaraumboðið varð sett á stovn, í 2009, varð ásett við lóg, at talan skuldi vera um ein sjálvstøðugan, óheftan stovn við egnari játtan.</div><div>Í dag, góð trý ár seinni, heldur landsstýrismaðurin í vinnumálum, sum varar av brúkaraumboðsstovninum, at Brúkaraumboðið og Kappingareftirlitið kunnu leggjast saman í ein stovn.</div><div><br></div><div>Brúkaraumboðið fór til verka í apríl 2009. Higartil hevur brúkaraumboðið havt sæti í Vági, men flytir eftir summarfrítíðina í hølini hjá eftirlitisstovnunum á Skálatrøð í Havn. </div><div><br></div>
