Viðgera tunnilsuppskotið í dag

Løgtingið fer í dag at hava fyrstu viðgerð av uppskotinum um at stovna partafelag, sum skal byggja og reka undirsjóvartunlar millum Eysturoy og Streymoy og millum Streymoy og Sandoy.

Uppskotið er lagt fram, eftir at allir flokkar gjørdu semju um ætlanina.

400 mió. kr. í partapeningi

Ætlanin er, at landið skal seta 400 milliónir kr. í partafelagið - tær fyrstu milliónirnar í ár, og tær seinastu um 10 ár. Eftir uppskotinum skal verða koyrandi millum Eysturoynna og Streymoynna í 2018, og millum Streymoynna og Sandoynna í 2021.

Fólkatingsessir takast av

Løgtinið fer í dag at hava fyrstu viðgerð av einum uppskoti til samtyktar frá Sjálvstýrisflokkinum um at taka av føroysku fólkatingssessirnar, og Annika Olsen skal svara tveimum fyrispurningum, ein um skúlan við Áir og ein um marknaforðingar.

Tingfundurin byrjar klokkan 11.