Nýggjur Vesturskúli í Havn samtyktur

Ein nýggjur barnaskúli verður bygdur í Havn.

Tórshavnar býráð samtykti í gjárkvøldið, at bygginevndin fyri nýggja Vesturskúlan alt fyri eitt fer undir at fyrireika byggingina  av einum tveysporaðum skúla, sum skal kunna víðkast til trísporaðan skúlan.  

Býráðið samtykti eisini at seta ein arbeiðsbólk at fyrireika samanleggingina, tí Kommunuskúlin og Venjingarskúlin skulu leggjast saman í Vesturskúlan.

Í arbeiðsbólkin skulu umboð fyri skúlaleiðslur, lærarar og foreldur í báðum skúlum og fyri Mentamáladeildina hjá kommununi. Trivnaðarstjórin hjá kommununi verður formaður í arbeiðsbólkinum.

Arbeiðsbólkurin skal vera liðugur hálvan mai í ár.

Býráðið samtykti eisini at arbeiða víðari við tilmælinum hjá Mentamálanevndini um at gera Kommunuskúlan til mentanar- og virksemishús.

Býráðið væntar, at Fróðskaparsetrið vil hava Venjingarskúlan.