- Tíðindi, mentan og ítróttur
Danmark í sorg
<p class="MsoNormal">Tríggjar smágentur, systrar,
13, 9 og 6 ára gamlar, hava allar latið lív eftir vanlukkuna, sum hendi
fyrrapartin hósdagin.</p><p class="MsoNormal"><br></p><p class="MsoNormal">Systrarnar spældu í eini
ríðihøll, tá fýra stórar ballur við hoyggi koppaðu omanyvir tær. Talan er um
ballur, ið kunnu viga upp til 500 kilo stykkið.</p><p class="MsoNormal"><br></p>
<p class="MsoNormal">Tað var pápi teirra, sum
ringdi neyðarboð, stutt fyri middag, og boðaði frá vanlukkuni.</p><p class="MsoNormal"><b>Á sjúkrahús</b></p>
<p class="MsoNormal">Sjúkrabilar og bjargingarlið
komu á staðið, og fluttu genturnar, fyrst á sjúkrahús í Herning og síðani á
serútgjørda sjúkrahúsið í Skeiby.</p><p class="MsoNormal"><br></p>
<p class="MsoNormal">Níggju ára gamla gentan varð
staðfest deyð, longu á sjúkrahúsinum í Herning. Í gjár doyði 13 ára gamla
systurin eftir løstirnar, ið hon fekk av hoyggj-ballunum. Og seinnapartin í dag
andaðist so yngsta, seks ára gamla systurin.</p><p class="MsoNormal"><br></p>
<p class="MsoNormal">Enn er ógreitt, júst hvussu
leingi genturnar lógu undir hoy-ballunum. Danska løgreglan roynir framvegis
at fáa greiðu á, hví tungu ballurnar við hoyggi koppaðu oman yvir systrarnar.</p><p class="MsoNormal"><br></p>
<p class="MsoNormal">Kring alt Danmark minnast
fólk í kvøld tær tríggjar systrarnar - Julie, Michelle og Barbara - ið allar
lótu lív í syrgiligu vanlukkuni í lítla býnum Hee við Ringkøbing.</p>
<p class="MsoNormal"><p> </p></p>
